Foto: Marleen Annema
De bern fan OBS De Hoekstien yn Lúkswâld krije hjoed de Berneboeke-ambassadeur op besite. Lida sil ynteraktyf foarlêze en fragen oer it skriuwersfak beäntwurdzje, mar ek kreatyf mei de bern fan de groepen 4/5/6 en 7/8 oan de slach gean. Wolle jim de BBA ek ris útnûgje? Foar dit jier sit har aginda fol, mar foar 2021 kin dat wer. Sjoch op www.berneboekeambassadeur.frl.
Ferline wike wienen acht learlingen fan de Havotop yn Burgum op útwikseling yn Baskelân yn it ramt fan it projekt WikiWomen. WikiWomen is in gearwurking fan Fryske, Ierske en Baskyske organisaasjes om lesmateriaal te ûntwikkeljen foar it fuortset ûnderwiis, wêryn’t learlingen digitale -, skriuw- en ûndersyksfeardichheden opdogge troch Wikipedy-artikels te skriuwen.
Seis Jentsje-boekjes ferskine op ’e nij yn in werprintinge fan 1000 stiks de titel. Al sûnt 1981 jout de Afûk de populêre rige mei Jentsje-boekjes út. Ferskynden der yn 1981 earst trije titels (Jentsje syn bear, Jentsje syn koekje, Jentsje syn auto), de searje waard stadichoan útwreide nei tsien titels. Dêrfan ferskine de seis dy’t […]
