Hjoed wurket de Berneboeke-ambassadeur op De Wynroas yn de Harkema. Yn groep 3 en twa groepen 4 sil sy fertelle, foarlêze en fragen beäntwurdzje. Ek meie de bern sels oan de slach en wat moais meitsje.
De skoalle ûntfangt hjoed fan de BBA ek de lêskiste mei tsien Fryske berneboeken, in geweldich kado dat sy fergees krije fan de gemeente Achtkarspelen!
Yn it Woudagemaal op De Lemmer is it Fryske berneboek ‘Wetter’ feestlik presintearre. It printeboek, skreaun en yllustrearre troch skriuwster en yllustrator Linda de Haan, makket de fergetten wettersneedramp fan 1825 – dit jier presys 200 jier lyn – tagonklik foar jonge lêzers. It earste eksimplaar waard offisjeel oerlange troch Linda de Haan en Gerben […]
Op freed 21 novimber is yn it stedhûs fan Frjentsjer in bysûnder nij part yn de ferneamde Gouden Boekjes-rige ferskynd: it orizjinele berneboek Sipke sjocht stjerkes / Sipke sjocht stjerkes, oer it Keninklik Eise Eisinga Planetarium. It ferhaal is skreaun troch Lida Dijkstra, winneres fan de Gouden Griffel 2025, en yllustrearre troch Hanne Snel.
