It sûkeladedakje fan de Afûk: lekker op élke letter!
Frije tiid
24 novimber 2025
Spesjaal foar alle Fryske Sinteklazen hawwe wy by de Afûk it dakje fan de ‘u’ helle en it troch Banketbakkerij Salverda út Ljouwert ambachtlik omsmelte litten ta in unyk sûkeladedakje. It dakje – of ‘accent circonflexe’ sa’t it lêsteken offisjeel hjit – is in kenmerkjend lêsteken dat yn it Frysk allinne en neffens bepaalde taalregels foarkomt op de klinkers a, e, u en o, mar foar dizze gelegenheid op álle letters tastien is. It sûkeladedakje fan de Afûk is lekker op élke letter!
Bisto op syk nei in unyk en typysk Frysk kadootsje foar Sinteklaas? Dan is it sûkeladedakje krekt wat: dat typyske lêsteken dat it Frysk sa ….. ja, sa Frysk makket. It sûkeladedakje past op alle sûkeladeletters, mar is ek lekker sûnder letter 😉
It dakje is ambachtlik foar ús makke troch Banketbakkerij Salverda út Ljouwert en bestiet út plm. 80 gram reammesûkelade.
Keapest dyn sûkeladedakje foar € 3,95 yn de Afûk boek- en kadowinkel yn Ljouwert. Sjoch ek yn ús websjop. Op = op!
