Suksesfolle start Listen-projekt yn Valencia
Under de earste gearkomste binne in soad administrative saken besprutsen en it projektlogo, makke troch Wedabigid út Fryslân, waard presintearre. Dêrneist hawwe de partners ynformaasje útwiksele oer harren taalsitewaasjes en oer de mooglikheden, talinten en kânsen fan elke partner om dit projekt ta in sukses te meitsjen.
De earstkommende ynternasjonale byienkomst sil yn jannewaris yn Pisa wêze en de earste treningsdagen sille hâlden wurde yn de earste wike fan febrewaris yn Valencia.
Yntusken sille de partners wurkje oan de ynput foar de treningen, de website en in mooc. Dêrneist sille de partners yn harren eigen regio de treningen en wurkwinkels oan de man bringe en útlizze wat taalassertiviteit is en wat it betsjutte kin foar minderheidstalen.
