Tialda Hoogeveen, foto: Balanina Photografy
De Berneboeke-ambassadeur (BBA) komt hjoed yn trije klassen fan it St. Gregorius yn Blauhús. Sy sil dêr fertelle, foarlêze (FFF) en bern kinne har fragen stelle. Fansels meie de bern sels ek oan de slach mei in ferhaal! Sjoch foar mear ynformaasje oer it wurk fan de Berneboeke-ambassadeur én it oanfreegjen fan in besite oan jim skoalle op berneboekeambassadeur.frl.
Elke earste sneon fan de moanne yn de Leeuwarder Courant én it Friesch Dagblad: de Afûk-side. De moanlikse Afûkside yn de LC en it FD stiet fol mei ynformaasje en nijs oer ús projekten en produkten én jout nijsgjirrige boeketips foar lyts en grut.
Heity! Help!! is in nij ferhaal fan Thys Wadman, mei yllustraasjes fan Wim Swart. In prachtich ynbûn boek mei 36 siden. It boek giet oer Hidde, dy’t wat frjemds heart yn syn sliepkeamer. Hidde ropt om syn heity, want dy kin him helpe. Dochs…?
