Lida Dykstra’s ‘Schaduw van Toet’ ek nominearre foar Woutertje Pieterse Prijs 2022
Berneboeke-ambassadeur
Boeken fan Fryslan
28 febrewaris 2022
Alwer in nominaasje foar de Fryske berneboeke-skriuwster én Berneboeke-ambassadeur Lida Dykstra! Har boek 'Schaduw van Toet' is nominearre foar de Woutertje Pieterse Prijs 2022! De Woutertje Pieterse Prijs is in priis foar it bêste oarspronklike Nederlânsktalige berne- of jeugdboek en wurdt al sûnt 1988 útrikt. Op sneon 2 april wurd it winnende boek bekend makke.
It is de twadde nominaasje foar dit boek. Earder al waard ‘Schaduw van Toet’ op de shortlist setten foar De Boon yn de kategory berne- en jeugdliteratuer. De Boon is in nije én direkt ek de grutste Flaamske literatuerpriis dy’t op 24 maart foar de earste kear útrikt wurde sil.
Stimme foar de publykspriis fan De Boon kin noch oant 20 maart. Stimme op it boek fan Lida kin fia www.deboon.be.
‘Schaduw van Toet’ is fansels te keap yn ús boek-en kadowinkel yn Ljouwert of fia www.websjop.afuk.frl.
