Foto: Marleen Annema
Fan ’e moarn giet de Berneboeke-ambassadeur (BBA) nei basisskoalle De Pipegaal yn Warkum, de middeis nei CBS De Skutslús yn Starum. De jongere bern lêst se ynteraktyf foar, de midden- en boppebou kinne fragen stellen en sels efkes oan de slach mei in skriuw- of tekenopdracht. Mear witte? Sjoch op www.berneboekeambassadeur.frl.
Ferline wike wienen acht learlingen fan de Havotop yn Burgum op útwikseling yn Baskelân yn it ramt fan it projekt WikiWomen. WikiWomen is in gearwurking fan Fryske, Ierske en Baskyske organisaasjes om lesmateriaal te ûntwikkeljen foar it fuortset ûnderwiis, wêryn’t learlingen digitale -, skriuw- en ûndersyksfeardichheden opdogge troch Wikipedy-artikels te skriuwen.
Seis Jentsje-boekjes ferskine op ’e nij yn in werprintinge fan 1000 stiks de titel. Al sûnt 1981 jout de Afûk de populêre rige mei Jentsje-boekjes út. Ferskynden der yn 1981 earst trije titels (Jentsje syn bear, Jentsje syn koekje, Jentsje syn auto), de searje waard stadichoan útwreide nei tsien titels. Dêrfan ferskine de seis dy’t […]
