Achtkarspelse heiten ferrast mei Sipke-boekje
Mei dizze aksje wolle Bibliotheken Noord Fryslân de heiten stimulearje om (mear) foar te lêzen oan harren bern. De heitedei-aksje is ûnderdiel fan it Taalplan Achtkarspelen. Dat plan moat it (foar)lêzen en de Fryske taal stimulearje. Yn Taalplan Achtkarspelen wurkje de gemeente Achtkarspelen, skoallen en berne-opfang, Cedin, SFBO en Bibliotheken Noord Fryslân meielkoar gear.
Wurdskat
Lêze en foarlêze fergrutsje de wurdskat en binne dêrom fan grut belang foar de ûntwikkeling fan in bern. Bern kinne troch mear begryp fan de taal better meikomme op skoalle.
Win in boekepakket
As ferfolch op de heitedei-aksje kinne bern fannewike ek noch mei harren heit of fersoarger op de foto yn de biblioteek fan Bûtenpost (21 juny) of de biblioteek fan Surhústerfean (22 juny). Dat is net allinne hiel gesellich en in moai oantinken, mar kinst der ek noch in boekepakket mei winne! Makkest kâns troch dyn foto te mailen oan educatie@bnfrl.nl.
