Ah goeie! Frijgesel Fryslân kin op Tinder taalfoarkar oanjaan
Frije tiid
21 maart 2023
Frijgesel, swipend Fryslân kin no op de datingapp Tinder sjen oft de persoan oan de oare kant ek Frysk praat. Yn de digitale leafdesarena is it no mooglik om oan te jaan hokker talen oftst kinst. Frysk is ien fan de talen op de list.
Brûkers kinne sa dus ‘matche’ op basis fan taalfoarkar. Ien dy’t ûnder in drankje yn de ‘memmetaal’ prate kinne wol, makket sadwaande alfêst in skifting. Dyjinge kin der dêrnei foar kieze de chat net yn it Nederlânsk te starten, mar mei ‘Ah goeie!’
Leden oer de hiele wrâld kinne kieze út mear as 133 talen. Yn Nederlân binne ûnder oare Frysk, Papiamintsk en Arabysk in soad sprutsen talen.
Bron: Omrop Fryslân
