Ljouwerter projekt Indiveo wint Taalunie ZorgVoorZorgPrijs

Frije tiid Op it wurk

2 july 2021

Indiveo út Ljouwert hat de earste Taalunie ZorgVoorZorgPrijs wûn. Indiveo 'ferpakt' medyske ynformaasje yn begryplike byldferhalen, saneamde Divi's: animaasjefilmkes dy't pasjinten ynformearje oer in oankommend ûndersyk, syktebylden en behannelingen. Yn gearwurking mei provinsje Fryslân en it projekt 'Taal yn 'e soarch' fan de Afûk binne in diel fan de Divi's ek yn it Frysk beskikber.

Indiveo is in inisjatyf fan Ralph Koppers, longarts by it Medisch Centrum Leeuwarden. Koppers krige de ZorgVoorZorgPrijs op woansdei 23 juny ll. útrikt troch Kris Van de Poel, algemien sekretaris fan de Taalunie en foarsitter fan de faksjuery. De priis, in sjek foar de wearde fan 5000 euro, kin troch Indiveo brûkt wurde foar it fierder ûntwikkeljen fan it materiaal en de gearwurking mei in organisaasje yn Vlaanderen yn it bysûnder.

De oare nominearren wiene de ‘bespreekwijzer erfelijkheidsonderzoek bij borstkanker’ fan UMC Utrecht en de website ‘corona in duidelijke taal’ fan de Flaamske organisaasje Wablieft.

Lês mear oer de Taalunie ZorgVoorZorgPrijs op taalunie.org en lês ek it artikel ‘Medische informatie duidelijk met animatie in eigen taal’ op www.datwiedoesa.nl.

Ljouwerter projekt Indiveo wint Taalunie ZorgVoorZorgPrijs

Relatearre ûnderwerpen

Werprintinge Jentsje-boekjes: se bliuwe populêr!

PRESENT (‘Hier Nu!’), in bysûndere les yn boargerskip