Nasjonale Boekewike 2021: sneon 29 maaie o/m snein 6 juny

Boeken fan Fryslan Frije tiid
23 april 2021
Nei de parsekonferinsje fannewike wêryn't dúdlik wurde dat fan 28 april ôf de boekhannels wer sûnder ôfspraak iepen kinne, hat it CPNB bekend makke dat de Boekenweek 2021 fiert wurde sil fan 29 maaie oant en mei 6 juny. It Boekenweekgeschenk fan Hanna Bervoets - tagelyk yn in Fryske oersetting fan Baukje Zijlstra - en it Boekenweekessay fan Roxane van Iperen binne dan einliks troch hiel Nederlân te lêzen. Om de drokte te sprieden en winkeljen foar elk feilich te hâlden, binne de útjeften de hiele moanne juny beskikber.

Eveline Aendekerk, direkteur fan it CPNB: ‘Eindelijk kunnen we weer echt naar de boekhandel. Maandenlang hebben lezers gesmacht naar dit moment en nu de winkels weer open zijn is het hoog tijd om het langverwachte feest in de boekhandel te plannen. Ik weet zeker dat het fantastische Boekenweekgeschenk en -essay het wachten meer dan waard zijn geweest en dat heel veel lezers een prachtige leeszomer tegemoet gaan. We zijn verheugd dit jaar de Boekenweek, het grootste boekenfeest, toch kunnen organiseren en roepen iedereen op de favoriete boekhandel te blijven steunen.  ’

Boekewikegeskink yn it Nederlânsk en it Frysk
Fan ‘t jier krigest by besteging fan minimaal € 15,00 oan boeken it boekewikegeskink Wat wij zagen fan Hanna Bervoets kado. Ek dit jier hat it CPNB yn gearwurking mei Boeken fan Fryslân wer in Fryske oersetting meitsje litten. Yn de oersetting makke troch Baukje Zijlstra is it boekewikegeskink ûnder de titel Wat wy seagen te krijen. Yn de boekewike (en de hiele moanne juny) kinst dus kieze tusken de Frysktalige of de Nederlânsktalige edysje as geskink!

Sjoch foar mear ynformaasje en it lêste nijs oer de Nasjonale Boekewike op www.cpnb.nl.

#stypjedynboekhannel #steunjeboekhandel