Podcast Boekekast kriget in ferfolch mei nije eksklusive ferhalen

Boeken fan Fryslan Frije tiid Oer it Frysk
6 novimber 2020
De moaiste Fryske ferhalen yn de donkerste dagen fan it jier, de podcast Boekekast fan Boeken fan Fryslân en Omrop Fryslân kriget in ferfolch. Fryske skriuwers skreaunen spesjaal foar dit twadde seizoen in ferhaal. Diskear binne it dus gjin passaazjes út besteande boeken, mar spesjaal skreaune ferhalen. De earste podcast mei in ferhaal fan Hilda Talsma stiet kommende sneon online. 

Alle wiken komt op sneon in nij literêr ferhaal online. It giet om ferhalen fan Fryske skriuwers Hilda Talsma, Ferdinand de Jong, Piter Boersma, Geart Tigchelaar, Jetske Bilker, Jaap Krol, Lida Dijkstra en Thys Wadman. Sneon 7 novimber wurdt úteinset mei it ferhaal Old School fan Hilda Talsma. Oare ferhalen binne bygelyks It suske fan.. fan Thys Wadman en Hoe’t ik it fjildfirus skipe fan Lida Dykstra.

Neist it ferhaal is yn de podcast ek in ynterview mei de skriuwer te hearren. Presintatrise Karen Bies giet mei de skriuwer yn petear oer it ferhaal, de eftergrûn en de literatuer.

Omrop Fryslân en Boeken fan Fryslân, yn gearwurking mei City of Literature, wolle ek mei dit twadde seizoen de Fryske literatuer ris op in oare wize ûnder de oandacht te bringen.

Boekekast
De earste Boekekast fan de nije rige komt sneon 7 novimber online op Omropfryslan.nl/boekekast, de Omrop-app en de bekende podcast-kanalen.

Handich: de oersetter-app

Foar it oersetten fan wurden én langere teksten: fan it Nederlânsk nei it Frysk én fan it Frysk nei it Nederlânsk!

Relatearre ûnderwerpen

Fryske learlingen op útwikseling yn Baskelân foar WikiWomen-projekt

Ferline wike wienen acht learlingen fan de Havotop yn Burgum op útwikseling yn Baskelân yn it ramt fan it projekt WikiWomen. WikiWomen is in gearwurking fan Fryske, Ierske en Baskyske organisaasjes om lesmateriaal te ûntwikkeljen foar it fuortset ûnderwiis, wêryn’t learlingen digitale -, skriuw- en ûndersyksfeardichheden opdogge troch Wikipedy-artikels te skriuwen.

Nynke Duijff is de winner fan it Grut Frysk Diktee

It Grut Frysk Diktee 2024 is wûn troch Nynke Duijff fan Damwâld. Mei mar 2,5 flaters wie dat resultaat goed foar it Gouden Dakje. Ekstra bysûnder om’t by Nynke in oantal jierren lyn de spiersykte ALS fêststeld is. Dêrtroch is sy har spraakfermogen sa goed as kwytrekke en ûnderfynt sy hieltyd mear problemen mei bewegen. […]

mear nijs sjen litte