Syds Wiersma wint de Fryske SLAM Foto: Rixt Kingma

Syds Wiersma wint de Fryske SLAM!

Boeken fan Fryslan Frije tiid Oer it Frysk
25 maaie 2023
Dichter, skriuwer Syds Wiersma krige justerjûn yn in grôtfol kafee De Gouden Leeuw yn Tresoar de measte publyksstimmen yn de finale fan de Fryske SLAM! Dêrmei waard hy de bêste Poëzijslammer fan Fryslân. Jens de Vries waard twadde.

Foar Syds Wiersma wie it de earste kear dat er meidie oan in poêzij slamwedstriid: “It wie moai om yn de finale te stean en mei Jens te slammen. Wy reagearren goed op inoar. It wie hast magysk.”

De Dichter fan Fryslân, Sigrid Kingma, organisearre tegearre mei Gabrielle Terpstra fan Pauperpoëzie dizze saneamde Fryske SLAM! In poêzij foardrachtswedstriid mei: Hindirk Hannema, Arjan Hut, Joël Huitema, Martsje de Jong, Elmar Kuiper, Marije de Lange, Ilse Vos, Jens de Vries, Syds Wiersma, Carla van der Zwaag. Nyk de Vries, Dichter fan Fryslân 2019-2021, fersoarge yn it skoft in optreden.