Foto: Marleen Annema
De Berneboeke-ambassadeur (BBA) giet hjoed nei basisskoalle De Twiner yn Sint Japik. Yn de groepen 1 oant en mei 5 lêst se dêr ynteraktyf foar en fertelt se oan de hân fan de boeken út de Lêskoffer. By dizze boeken binne ek fergees foar elkenien lesbrieven te downloaden op www.berneboekeambassadeur.frl.
Ferline wike wienen acht learlingen fan de Havotop yn Burgum op útwikseling yn Baskelân yn it ramt fan it projekt WikiWomen. WikiWomen is in gearwurking fan Fryske, Ierske en Baskyske organisaasjes om lesmateriaal te ûntwikkeljen foar it fuortset ûnderwiis, wêryn’t learlingen digitale -, skriuw- en ûndersyksfeardichheden opdogge troch Wikipedy-artikels te skriuwen.
Krappe staazjefergoedingen, te min starterswenningen, oprinnende stúdzjeskulden… De jongerein fan no krijt in soad foar de kiezzen. Hoe komt it mei it klimaat? Fyn ik aanst wol in leuke baan? It binne allegear fragen dêr’tst goed oer yn petear kinst mei mbû-studinten. Dat bart ek by Firda. Mar wat wol de jongerein, as sy séls […]
