It is in dream dy’t útkomt: Frysk teäterselskip Frets giet mei it bekroande berneboek Gozert de teäters yn. Op 7 febrewaris 2024 is de premjêre yn it Posthuis Theater op It Hearrenfean. Tagelyk is ek de boekpresintaasje fan de Frysktalige oersetting fan Rymke Zijlstra, útjûn troch Utjouwerij Afûk.
Anna-Maria Heidbuurt, in Friezinne mei in leafde foar meditaasje, hat ein jannewaris har nije projekt online setten: de Fryske meditatie Podcast. Yn gearwurking mei muzikant Daniel Kolk hat Anna-Maria dy unike meditaasje-podcast ûntwikkele om minsken ûntspanne te litten yn harren eigen memmetaal.
Alle moannen besprekt Mirjam Vellinga in bysûnder of fergetten Frysk wurd op Omrop Fryslân Radio yn it programma ‘Goeiemiddei’ mei Johan Terpstra en Diana de Groot. Hjoed wie it de beurt oan it wurd: ‘ferrivelje’. (En ‘oer it mad komme’)
Fan tongersdei 25 oant en mei woansdei 31 jannewaris is it wer tiid foar it grutste jierlikse poëzyfeest fan de ‘Lage Landen’. Yn de Poëzijwike rinst oeral yn Flaanderen en Nederlân gedichten tsjin it liif: op skoalle, yn de boekhannel en biblioteek, op in poadium, sosjale media of gewoan op strjitte. By de Afûk stiet […]