Elk jier wurdt yn it Museumpark Archeon de Thea Beckmanpriis útrikt oan it beste hystoaryske jeugdboek. Ek ‘Schaduw van Toet’ fan de Fryske auteur en eardere Berneboeke-ambassadeur fan Fryslân, Lida Dykstra, makket gading nei dy priis.
De advyskommisje foar de Dr. Obe Postmapriis kin oan de slach. Trije minsken út de wrâld fan de letterkunde bûge har de kommende tiid oer de fraach oan wa’t de provinsjale oersetpriis takend wurde moatte. Dizze edysje jouwe Maaike Andringa, Marc van Oostendorp en Rein Smilde dêroer advys oan de provinsje.
Yn de gemeente Achtkarspelen krigen alle bern fan twa oant en mei seis jier de ôfrûne wike it twatalige Gouden boekje ‘Sipke leart fierljeppen‘ mei nei hûs. Tegearre mei de boekelizzer in ferrassing om heit of fersoarger kado te dwaan op heitedei.
“In moaie, rûne skulp fertelt my in ferhaal De see flústeret yn myn ear, in berjocht yn eltse taal” Dizze dichtrigels fan Silke Fardou van der Land (2001) binne út mear as 90 ynstjoerings keazen nei in oprop foar in nij Frysk strângedicht foar op de Vliehors Expres op Flylân.