Der binne steapels prachtige Fryske boeken. En dy steapel wurdt hjoed wer in bytsje grutter mei it boek ‘Paula en de weirekke spegel’. Skriuwer fan it ferhaal is Marije Sennema en de printen binne makke troch yllustrator Tijana Lukovic. Skoalbern fan De Knipe komme nei Museum Belvédère yn Oranjewâld, dêr’t de Berneboeke-ambassadeur it earste eksimplaar fan dit moaie boek yn ûntfangst nimme mei. In feestlik momint!
Hjoed is de presintaasje Paula en de weirekke spegel, in printeboek foar bern, yn Museum Belvédère, Oranjewâld. It boek ferskynt yn trije ferzjes en fjouwer talen tagelyk: Frysk, Nederlânsk en Öömrang/Dútsk. Skriuwer fan it ferhaal is keunsthistoarikus Marije Sennema. It berneboek is ynspirearre op de Dútske keunstner Paula Modersohn-Becker (1876-1907). “Yn myn ferhaal lit ik Paula fia de syktocht nei in weirekke spegel ûntdekke hoe’t se harsels frij uterje kin”, fertelt Sennema. De skriuwer hopet dêrmei jonge bern te ynspirearjen om dat ek te dwaan.
It ferhaal spilet op it Dútske Waadeilân Amrum. Dêr wurdt Öömrang praat, in fariant fan it Noardfrysk. “Trije útjeften en fjouwer talen tagelyk; sa ferbine wy de ferskillende Fryslannen mei-elkoar en betsjinje wy tagelyk de gruttere taalgebieten om ús hinne”, seit Hille Faber fan Utjouwerij DeRyp.
De Berneboeke-ambassadeur komt hjoed yn de klassen 3/4, 5/6 en 7/8 fan KBS Sint Radboud yn Jirnsum. Sy sil fertelle, foarlêze en fragen beäntwurdzje (FFF). Fansels meie de bern sels ek kreatyf oan de slach! Alle skoallen yn de gemeente Ljouwert krije fergees in lêskiste mei Fryske boeken oanbean. Dat is moai materiaal om mei te wurkjen! No, foar de Berneboeke-ambassadeur. En letter, foar de learlingen en learkrêften.
Learlingen fan havo-3 en vwo-3 fan it Drachtster Lyceum steane foar de grutte fraach: hokker profyl en wat foar losse fakken kiest foar it eksamenjier? Om it Frysk wer efkes ûnder de oandacht te bringen, organisearret de skoalle twa projektdagen. De Berneboeke-ambassadeur sil wat fertelle, mar sil benammen ek learlingen de wille fan it Frysk belibje litte. Ek Omrop Fryslân, Tresoar, Dichter fan Fryslan Arjan Hut en oaren binne oanwêzich om it brede wurkfjild fan it Frysk ûnder de oandacht te bringen.
De Berneboeke-ambassadeur komt hjoed del yn klassen 6, 7 en 8 fan IKC de Jint yn Stiens, dêr’t se dizze wike wurkje mei it tema keunst. De BBA past har boekekiste en lessen dêr op oan. Fansels meie de bern hjoed sels ek kreatyf oan de slach! Alle skoallen yn de gemeente Ljouwert krije fergees in lêskiste oanbean. Dat is moai materiaal om mei te wurkjen! No, foar de Berneboeke-ambassadeur. Mar ek letter, foar de learlingen en learkrêften.
De Berneboeke-ambassadeur komt hjoed yn de klassen 1/2, 2/3/4 en 6/7/8 fan IKC Roorda yn Wytgaard. Sy sil fertelle, foarlêze en fragen beäntwurdzje (FFF). Fansels meie de bern sels ek kreatyf oan de slach! Alle skoallen yn de gemeente Ljouwert krije fergees in lêskiste mei Fryske boeken oanbean. Dat is moai materiaal om mei te wurkjen! No, foar de Berneboeke-ambassadeur. En letter, foar de learlingen en learkrêften.
Hjoed is de twadde Genoatskipslêzing fan it Keninklik Frysk Genoatskip (oprjochte yn 1827), mei Leo Lucassen as sprekker oer it folgjende tema: Migratie als DNA van (Noord) Nederland. Bûten in algemiene beskôging oer migraasje as fenomeen yn ús histoaryske en hjoeddeiske werklikheid, sprekt Lucassen oer de ‘Frieslandganger’ yn de 17de-19de iuw, de trek fan Fryske migranten nei Amsterdam oan de ein fan de 19de iuw, ynkertiere bûtenlânske militêren yn 1914 en Molukkers yn De Fochtel. Mear ynformaasje fynst hjir. Lokaasje: Tresoar. Oanmelde: uterlik 27 jannewaris 2025 fia info@friesgenootschap.nl.
Hjoed is it 200 jier lyn dat Fryslân oan de foarjûn stie fan in grutte wettersneedramp. Troch it springtij en it beswiken fan de diken, kaam Fryslân foar hast twatredde ûnder wetter te stean. Ta neitins oan de ramp liede tsjerken en klokkestuollen yn it troffen gebiet om 20.00 oere harren klokken. Krekt as yn 1825.
Mei Taal fan wetter wurdt stilstien by de ramp fan 1825, mei poëzy, muzyk en sang troch it Frysk Dichterskollektyf RIXT, Gisela Schadenberg en Pytsje Feenstra. Ek wurdt der stilstean by de neitins oan dichteresse Gryt Witbraad as ‘de dichter fan ús doarpen’. Lokaasje: Tsjerke fan Sânfurd. De tagong is fergees.
De Berneboeke-ambassadeur fersoarget hjoed trije workshops oan de pabû fan de NHL Stenden. Oer Fryske berneboeken fansels. Want der is in berneboek foar elkenien! Foar alle bern, mar ek foar elke studint en foar elke learling. De takomstige learkrêften leare fan de BBA oer it rike oanbod fan moaie Fryske berneboeken, en hoe’t se dêr nijsgjirrige ferwurkingsfoarmen by meitsje kinne.
De Berneboeke-ambassadeur komt hjoed yn twa groepen 4 en ien groep 5 fan IKC de Jint yn Stiens, dêr’t se dizze wike wurkje mei it tema ‘keunst’. De BBA past har boekekiste en lessen dêr op oan. Fansels meie de bern hjoed ek sels kreatyf oan de slach! Alle skoallen yn de gemeente Ljouwert krije fergees in lêskiste mei Fryske boeken oanbean. Dat is moai materiaal om mei te wurkjen! No, foar de Berneboeke-ambassadeur. En letter, foar de learlingen en learkrêften op skoalle.
Yn de ‘Beste bieb van Nederland’ is de Berneboeke-ambassadeur hjoed sjuerylid fan de foarlêswedstryd Read2Me. Tsien dielnimmers nimme it tsjin elkoar op yn Drachten, yn in seal mei wol fjirtich harkers. Spannend! Wa fan de brêgeklassers mei in ronde fierder en nochris foarlêze?
De Berneboeke-ambassadeur komt hjoed del yn fjouwer klassen fan basisskoalle De Gielguorde yn Mantgum om te fertellen, foar te lêzen en fragen te beäntwurdzjen. Alle skoallen yn de gemeente Ljouwert krije fergees in lêskiste mei boeken oanbean. Dat is moai materiaal om mei te wurkjen! No, foar de Berneboeke-ambassadeur. En letter, foar de learlingen en learkrêften.
Elk jier wurdt troch de UNESCO op 21 febrewaris de Ynternasjonale Memmetaaldei fierd. Dy dei stiet yn it teken fan it taalkundige en kulturele ferskaat en meartaligens. Troch de memmetaal yn eare te hâlden, bliuwe taalkundige en kulturele tradysjes bestean en wurde minsken har mear bewust fan de ferskillen tusken etnyske groepen. Dat laat ta mear begryp foar elkoar. Hâld ús webside en socials yn ‘e gaten foar leuke aksjes en produkten om ‘memmetaaldei’ hinne!
Hjoed is de Berneboeke-ambassadeur sjuerylid. Yn de biblioteek fan de Gordyk mei se lústerje nei tsien foarlêsfragminten, foarlêzen troch tsien basisskoalbern. Fansels binne se allegear kampioen! Mar… wa sil de wedstryd winne? En mei welk boek?
Ek do kinst de BBA útnûgje op skoalle en boekedagen, yn de biblioteek en boekhannel, by ferienings, foarlêswedstriden en foardrachtsfestivals. Sjoch foar mear ynformaasje en opjaan op www.berneboekeambassadeur.frl.
Yn it Vlechttheater in Noardwâlde sit dizze jûn in tal foarlêzers klear om mei te dwaan oan de regionale foarlêswedstryd fan basisskoallen yn de gemeente Weststellingwerf. Spannend! Tegearre mei oaren sit de Berneboeke-ambassadeur yn de sjuery. Wy lústerje, meitsje oantekeningen, genietsje en lûke ús dan werom om te oerlizzen wa’t it bêste in ronde fierder kin. De organisaasje is yn hannen fan Bibliotheek Zuid Oost Friesland.
Lêze en foarlêze is noflik en hiel goed om te dwaan. It bringt bern op grutte foarsprong yn it libben en yn it ûnderwiis. Dêrom fertelt de Berneboeke-ambassadeur dizze jûn ris in kear oan âlders oer de moaiste Fryske berneboeken en oer de wearde fan minderheidstalen, meartaligens en memmetaal. Fansels lêst sy ek efkes foar.
Dizze winter wie it wer drok mei foarlêzers yn de provinsje, drok dwaande mei de foarrondes fan de Nationale Voorleeswedstrijd. Hjoed komme de foarlêskampioenen fan ferskate Fryske gemeenten by-inoar yn Holwert, dêr’t sy it opnimme tsjin elkoar. Wa wurde de bêste foarlêzers fan Fryslân? De Berneboeke-ambassadeur sit mei oare professionals út it fak yn de sjuery. Sy harket en oerleit mei de oare sjueryleden wa’t noch in ronde fierder mei. Spannend!
De Berneboeke-ambassadeur hat in protte kollega’s yn hiel de wrâld! Eltse twa jier komme dizze saneamde laureates byinoar yn Bologna. Yn dizze Italiaanske stêd is nammentlik elts jier in grutte berneboekebeurs. De laureates út Itaalje, Wales, Nederlân, Australië, Ingelân, Ierlân, Sweden en wa wit wêr noch mear wei, riede in moaie presintaasje ta. Underwerp? Noch ûnbekend, yn oerlis komt dat ta stân.
Yn it ramt fan de Fryske Wike is de Berneboeke-ambassadeur op 8 en 10 april op IKC Prins Maurits yn Ljouwert. Net alle bern sprekke it, net elkenien kin it goed ferstean, mar dat jout neat. Spesjaal foar meartalige skoallen hat de Berneboeke-ambassadeur ek in moai programma makke. Alle skoallen yn de gemeente Ljouwert krije fergees in lêskiste mei Fryske boeken oanbean. Dat is moai materiaal om mei te wurkjen! No, foar de Berneboeke-ambassadeur. En letter, foar de learlingen en learkrêften.
Op 11 oktober wurdt de Gysbert Japicxpriis foar poëzie wer útrikt yn Frjentsjer. Lykas alle jierren is der ek in wedstryd foar learlingen fan de basisskoalle. Learlingen op ferskillende skoallen folgje in workshop poëzie skriuwen en skriuwe harren beste gedicht. Yn de sjuery sit ûnder mear de Berneboeke-ambassadeur. Sy makket mei oaren in kar foar it bêste gedicht. Alle dielnimmers wurde yn it sintsje set! En de winner fan de wedstryd fansels noch it meast, hjoed op dizze feestlike dei.
By it ferskinen fan ’e bondel Us eigenste Taal op 29 novimber 2025 wurdt in Taalfoarum organisearre. Tialda is ien fan de formumleden. De Berneboeke-ambassadeur is hjoed oanwêzich by dy manifestaasje Us eigenste Taal. De organisaasje fan dat taalforum is yn hannen fan Stichting Erfgoed Fundaasje – Frysk en Frij. It gehiel fynt plak op in histoarysk adres, nammentlik de Van Harenskerk yn St.-Anne, it stee dêr’t Rembrandt van Rijn mei Saskia troude. Mear ynformaasje: fryskenfrij.nl