Aginda oersjoch

Stim ôf op Omrop Fryslân Radio en harkje alle tongersdeis om 15.10 oere nei it Taalpraatsje fan Praat mar Frysk. Yn it programma ‘Goeiemiddei’ hearst dan de leukste nijtsjes en nijsgjirrige tips oer it Frysk. Bygelyks oer de betsjutting of eftergrûn fan in bepaald wurd, oer nije apps, boeken, projekten en aktiviteiten, oer optredens fan bygelyks skriuwers of dichters, oer it brûken fan it Frysk troch bedriuwen en organisaasjes en noch in hiel soad oare ûnderwerpen. Harkje mar! 5 sept: Sito (Praat mar frysk), 12 sept: Mirjam (Fergetten wurd), 19 sept: Tineke (Frysk op ‘e dyk), 26 sept: Dieuwke (heit&mem).

Alle jierren yn septimber wurde de Lês-mar-foar-wiken organisearre. Dêrmei wurdt omtinken frege foar it foarlêzen yn it Frysk oan bern fan 2 o/m 8 jier. Oeral yn Fryslân wurdt (ekstra) foarlêzen yn it Frysk: op de berne-opfang, by gastâlden, op skoallen en fansels thús!
Foar de pjutten ferskynt yn it tema ‘eigenwiis’ in nij Tomke-boekje, foar de âldere bern (4 o/m 8 jier) ferskynt in nij Keimpe-boekje yn itselde tema. Dêrneist wurde der ferskate foarlês-, teäter-, dûns-, en sjongaktiviteiten organisearre yn de biblioteken fan Fryslân. Mear ynformaasje fynst op lesmarfoar.frl.

Tialda Hoogeveen, Berneboeke-ambassadeur fan Fryslân, nûget dy út foar de netwurk-Berneboekebuorrel op freed 20 septimber om 16.00 oere yn De Sluisfabriek yn Drachten. Do bist fan herten wolkom om mei-inoar by te praten oer berneboeken en tips foar aktiviteiten by de boeken en by it (foar)lêzen. Dizze middei is spesjaal foar minsken út it boekefak: skriuwers, yllustratoaren, foarmjouwers, oersetters, bibleteekmeiwurkers, amtners, útjouwers, boekhannelaren, ensfh. Byprate, nije minsken kennen leare, hapkes, drankjes, nijtsjes. Koartsein: gesellich en sinfol!

Yn Bûtenpost giet de BBA hjoed nei de groepen 1/2 en 3/4 fan basisskoalle bDe Fontein. De Berneboeke-ambassadeur komt del om te fertellen oer Fryske boeken, sy lêst foar, bern meie fragen stelle en de BBA set harren kreativiteit yn wurking. De besite is part fan de toernee troch de gemeenten Tytsjerkstradiel en Achtkarspelen: Tialda giet dêr by alle skoallen del! Sy ûntfange hjoed fan har de lêskiste mei tsien Fryske berneboeken, in geweldich kado dat sy fergees krije fan harren gemeente!

Stichting Ambion hat de Berneboeke-ambassadeur frege de ‘bovenschoolse kenniskring lezen’ te fersoargjen. Twa oeren lang fertelt de Berneboeke-ambassadeur ynteraktyf oer de wearde fan (foar)lêzen, meartaligens en it belang fan it koesterjen fan de memmetaal en wat de rol fanút it ûnderwiis dêryn wêze kin. Hoe soargest bygelyks foar in oantreklik boeke-oanbod? En kinst al dy talen wol in plak jaan op in lesdei? Hokker wurkfoarmen passe hjir by?

Fan 2 o/m 13 oktober is it Berneboekewike! It tema fan de Kinderboekenweek dit jier is ‘Lekker eigenwijs!’. De Berneboeke-ambassadeur komt dizze tsien dagen mei in steapel lekker eigenwize Fryske berneboeken del op de skoallen en sil foarlêze, fertelle en fragen beäntwurdzje. Hjoed is de BBA op de Nynke fan Hichtumskoalle yn Dokkum. De learlingen meie in lekker eigenwiis ferhaal betinke!

Stim ôf op Omrop Fryslân Radio en harkje alle tongersdeis om 15.10 oere nei it Taalpraatsje fan Praat mar Frysk. Yn it programma ‘Goeiemiddei’ hearst dan de leukste nijtsjes en nijsgjirrige tips oer it Frysk. Bygelyks oer de betsjutting fan in bepaald wurd, oer nije apps, boeken, projekten en aktiviteiten, oer optredens fan skriuwers of dichters, it brûken fan it Frysk troch bedriuwen en noch in hiel soad oare ûnderwerpen. Harkje mar! 3 okt: Sito (Praat mar frysk), 10 okt: Mirjam (Fergetten wurd), 17 okt: Tineke (Frysk op ‘e dyk), 24 okt: Dieuwke (heit&mem), 31 okt: Sito (Praat mar Frysk).

Fan 2 o/m 13 oktober is it Berneboekewike! It tema fan de Kinderboekenweek dit jier is ‘Lekker eigenwijs!’. De Berneboeke-ambassadeur komt dizze tsien dagen mei in steapel lekker eigenwize Fryske berneboeken del op de skoallen en sil foarlêze, fertelle en fragen beäntwurdzje. Hjoed is de BBA op CBO-Meilân yn Terherne. De learlingen meie in lekker eigenwiis ferhaal betinke!

De Nationale Voorleeslunch wurdt dit jier foar de tolfde kear organisearre en lit sjen dat foarlêzen ek foar âlderein in noflike en ferbinende aktiviteit wêze kin. It foarlêzen fan in ferhaal jout ûntspanning en is faak in oanlieding om mei-inoar te praten of oantinkens op te heljen. It ferhaal is spesjaal foar dizze dei skreaun troch Wim Daniëls en wurdt ek dit jier wer troch de Afûk oersetten yn it Frysk. Wolle jimme graach it Fryske ferhaal foarlêze? Dat kin! Freegje it oan fia in mail nei: friesindezorg@afuk.frl. Sjoch foar mear ynformaasje op www.nationalevoorleeslunch.nl.

Yn Oentsjerk giet de BBA hjoed nei alle groepen fan CBS Paadwizer ta. De Berneboeke-ambassadeur komt del om te fertellen oer Fryske boeken, sy lêst foar, bern meie fragen stelle en de BBA set harren kreativiteit yn wurking. De besite is part fan de toernee troch de gemeenten Tytsjerkstradiel en Achtkarspelen: Tialda giet dêr by alle skoallen del! Sy ûntfange hjoed fan har de lêskiste mei tsien Fryske berneboeken, in geweldich kado dat sy fergees krije fan harren gemeente.

It is wer 10 dagen lang Kinderboekenweek, hoera! ‘Lekker eigenwijs’ is it tema fan dit jier. Op de Daltonskoalle yn Boalsert sil de Berneboeke-ambassadeur dêrom oandacht ha foar dy eigenwiize Gysbert Japixc, dy’t sa ûnmisber west hat foar de Fryske taal! Tialda sil fertelle en foarlêze en fansels kinne bern har wer allerhande fragen stelle.

Yn Burgum giet de BBA hjoed nei de groepen 1/2, 5 en 7 fan De Reinbôge. De Berneboeke-ambassadeur komt del om te fertellen oer Fryske boeken, sy lêst foar, bern meie fragen stelle en de BBA set harren kreativiteit yn wurking. De besite is part fan de toernee troch de gemeenten Tytsjerkstradiel en Achtkarspelen, Tialda giet dêr by alle skoallen del! Sy ûntfange hjoed fan har de lêskiste mei tsien Fryske berneboeken, in geweldich kado dat sy fergees krije fan harren gemeente!

Op 16 oktober is it wer safier: de jierlikse Wy binne mbû Ynspiraasjedei! In dei fol ynspirearjende workshops op it mêd fan boargerskip, meartaligens, praktyksituaasjes en mear. Dizze dei is foar dosinten, beliedsmakkers en oare belutsenen binnen it mbû yn ús regio. Mei-inoar wurkje we oan it fersterkjen fan it ûnderwiis en it tarieden fan studinten op harren rol yn de maatskippij. Mear ynformaasje folget gau. Oanmelde kin no al!

Hoewol’t de Kinderboekenweek foarby is, giet dizze noch efkes lekker troch yn Gytsjerk en Mûnein! It tema is dit jier ‘Lekker eigenwijs!’. De Berneboeke-ambassadeur komt mei in steapel lekker eigenwize Fryske berneboeken op de skoallen del en sil foarlêze, fertelle en fragen beäntwurdzje. Learlingen meie in lekker eigenwiis ferhaal betinke! En: sy krije fergees de moaie lêskiste fan de gemeente!

Hoewol’t de Kinderboekenweek foarby is, giet dizze noch efkes lekker troch yn Aldtsjerk! It tema is dit jier ‘Lekker eigenwijs!’. De Berneboeke-ambassadeur komt mei in steapel lekker eigenwize Fryske berneboeken del op de skoallen en sil foarlêze, fertelle en fragen beäntwurdzje. Learlingen meie in lekker eigenwiis ferhaal betinke! En: sy krije fergees de moaie lêskiste fan de gemeente!

De Academie van Franeker organisearret in spesjale dei oangeande it wurk fan skriuwer/dichter Eppie Dam (1953), winner fan de Gysbert Japicxpriis. Dam is in ‘wenbaar’ skriuwer mei in grut en alsidich oeuvre. It projekt hjit dêrom ‘Oer Alles’, in term út it Frysk damjen.
Op freed 25 oktober wurdt moarns yn de Koornbeurs yn Frjentsjer it earste eksimplaar oanbean fan Dams autobiografy yn fersfoarm. Literêr kritikus/dichter Abe de Vries jout in wurdearring fan it wurk fan Dam en Omrop Fryslân’s FryslânDOK toant de premjêre fan in dokumintêre oer Dam. Middeis binne der workshops yn de Koornbeurs en de biblioteek. Mear ynformaasje folget…

Freed 1 novimber wurdt mei it Frysk Boekefeest wer it startsein jûn foar de Fryske Boekewike 2024. Op dy feestlike jûn sil ek it Kadoboek fan dit jier presintearre wurde. De Fryske Boekewike wurdt holden fan 2 o/m 10 novimber. It Kadoboek fan 2024 wurdt dit jier skreaun troch Meindert Talma en is yn de Fryske Boekewike fergees te krijen by oanskaf fan op syn minst € 15,- oan Fryske boeken. De Fryske Boekewike en it Kadoboek binne inisjativen van Boeken fan Fryslân.

Meindert Talma skreau mei Wynroas it Frysk Kadoboek 2024, in autobiografyske, tragikomyske novelle mei in spannende en dramatyske ôfrin. Talma komt yn de Fryske Boekewike (2-10 novimber) fjouwer kear mei in optreden mei en oer it Kadoboek ‘Wynroas’. Live is Wynroas in audiofisuele trip fan in oere, dy’t dy meinimt yn in ferteld en songen (film)ferhaal oer in fûleindich konflikt dat Meindert Talma krige troch in liet op De Zee Roept, it album by it fotoboek fan Tryntsje Nauta oer de studinten fan de seefeartskoalle op Skylge.
Data en lokaasjes: 5 novimber 2024, Biblioteek Drachten, 19.30 – 21.00 oere.  6 novimber 2024, Biblioteek Dokkum, 19.30 – 21.30 oere. 7 novimber 2024, Podium Gorter Balk, 20.00 – 21.30 oere. 8 novimber 2024, Biblioteek It Hearrenfean, 19.30 – 21.30 oere.